#
#
Бейсенбі 06/08/2020

Шалғай ауылдардағы шағын мектептерде сабақтар әдеттегі тәртіппен өте береді - министр

  • 14.07.2020
  • 0
  • 194

Егер ата-аналардың өтініштері болса, бастауыш сыныптар бойынша уақытша сыныптарды ашып беруге дайынбыз. Бұл туралы Орталық коммуникациялар қызметінде өткен онлайн-брифингте ҚР Білім және ғылым министрі Асхат Аймағамбетов айтты, деп хабарлайды ҚазАқпарат.

«1 қыркүйектен бастап еліміздегі барлық мектеп қашықтан оқиды. Осыған қатысты 1-2 кішігірім мәселені айтып өтейін. Біріншіден, қашықтан оқыту форматын енгіземіз деп айтқанның өзінде бізде шалғайдағы ауылдарда шағын жинақты мектептер бар. Оларда 5, 10, 15 бала бар. Олар өз мектептеріне жаяу барып жүреді. Осындай қауіп жоқ өңірлерде орналасқан мектептерде штатты режимде әрі қарай оқытуға, жұмыс істеуге мүмкіндік беріп отырмыз», - дейді Білім және ғылым министрі Асхат Аймағамбетов.

Оның айтуынша, екінші мәселе бастауыш сынып оқитын оқушыларға қатысты.

«Егер ата-аналардың өтініштері болса, нақты осы бастауыш сыныптар бойынша уақытша сыныптарды ашып беруге дайынбыз. Осындай сыныптар ашқанда тиісті жағдай жасауымыз қажет. Санитарлық талаптарға сай барлық жұмыс жүргізілетін болады. Бала таңертең сабаққа келгенде дене қызуын өлшеу, оны залалсыздандыру мәселесін қолға алу бойынша, сыныптарды бірнеше ауысымға бөлу мәселесін қарастыратын боламыз. Сыныпта 10-15 бала ғана болып, яғни сыныптарды бірнешеге бөліп оқыту мәселесін қарастырамыз», - дейді ол.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар