Сабантой қазаққа ғана емес, түркі халықтарында тойланатын мейрам. Оның ішінде татар, башқұрт, қазақ ұлтында ерекше ескеріледі. Ал 90-жылдардан бастап бұл мейрам Татарстан Республикасында мемлекеттік деңгейде тойланады. Соның бірден бір көрінісі Қызылорда облыстық татар этномәдени бірлестігінің ұйымдастыруымен Достық үйінде дәстүрлі Сабантой мейрамы тойланды, - деп хабарлайды «Ұлт ақпарат».
Әдетте сабантой егін бітік шықсын, жиын-терім мол болсын деген ақ тілекпен жасалатын ырым-жоралғы.
Той аясында арнайы ән кеші ұйымдастырылып, оған Шым қаладан келген қонақтар Наиля Хузеева, Гулнур Файрузова музыкалық ән-шашуын тарту етті. Өз халқының ерекше мейрамын көрген Наиля Хузеева ерекше әсер алғанын айтып, қуанышын жеткізді.
«Достық үйінен осы мейрамға қатысып, ән айту туралы ұсыныс алғанда қуана қабылдадым. Себебі біздің татар халқында Сабантойдың орны ерекше. Бала кезден әке-шешеме еріп жүріп, бұл тойдың ерекшелігі мен маңызын түсініп өстім. Сондықтанда Қызылорда облысында тұратын татар халқын осы аталған ерекше мейраммен құттықтау арнайы ән шашуыммен келіп отырмын», - деді жас әнші Наиля Хузеева.
Расында татар ұлтында бұл тойдың негізі сынған құмыра болып саналады. Ал оны сындыру құрметті адамдарға ұсынылады. Осы орайда алғы сөз және аталмыш дәстүрді жүзеге асыру облыстық ішкі саясат басқармасының басшысы Мира Қазбековаға берілді.
«Тәуелсіздікпен бірге шаңырақ көтерген облыстық татар этномәдени бірлестігі аталған жылдар ішінде еліміздің өсіп-өркендеуіне өз үлесін қосып келеді. Олардың белсенділері үнемі бас қосып, мәдени салт-дәстүрді жаңғыртуға атсалысып, бабадан қалған бай мұраларын сақтап қалуға тырысып келеді. Бүгін міне, бауырмалдық, жомарттық пен қайырымдылық қасиеттерін айшықтайтын Сабантой мерекесінде жиналып отырмыз. Баршаңызды еңбек пен береке, бірліктің негізіне айналған айтулы мерекемен шын жүректен құттықтаймын»,- деді Мира Қазбекова.
Мейрам аясында меймандарға татар этносының ұлттық тағамы «чак-чак» таратылды. Ұлттық ойындармен қатар, спорт кешенінде ұлттық сайыс түрлері армлестлинг, «татарча курәш» күресі, гір көтеру сайыстары өтті.
«Ұлттық спорт түрлерін ұйымдастырудағы мақсат жастардың салауатты өмір салтына деген қызығушылығын арттыру болатын. Сабантой біздің халық та ғана емес, түркі халықтарының арасында ерекше аталып өтілетін ерекше мейрам. Бұл мейрамның күзде, егістік науқанына тікелей байланысты. Биыл егін мол болсын, қуаңшылық болмасын, халқымыздың көңілі де, қарны да тоқ болсын деп ырымдадық», - дейді Қызылорда облыстық Достық үйінің Татар бірлестігінң өкілдері.
Естеріңізге сала кетейік, Сабантой қазаққа ғана емес, түркі халықтарында тойланатын мейрам. Оның ішінде татар, башқұрт, қазақ ұлтында ерекше ескеріледі. Ал 90-жылдардан бастап бұл мейрам Татарстан Республикасында мемлекеттік деңгейде тойланады. Соның бірден бір көрінісі Қызылорда облыстық татар этномәдени бірлестігінің ұйымдастыруымен Достық үйінде дәстүрлі Сабантой мейрамы тойланды. Әдетте сабантой егін бітік шықсын, жиын-терім мол болсын деген ақ тілекпен жасалатын ырым-жоралғы. Той аясында арнайы ән кеші ұйымдастырылып, оған Шым қаладан келген қонақтар Наиля Хузеева, Гулнур Файрузова музыкалық ән-шашуын тарту етті.
1973 рет оқылды
