22 қыр, 2022 сағат 11:07

Ресейліктер визасыз көрші елдерге жақын рейстерге жаппай билет алып жатыр - БАҚ

Фото: pixabay.com

Ресейліктер Мәскеуден Түркияға, Әзербайжанға, Арменияға және басқа көршілес визасыз елдерге тікелей рейстерге билеттер сатып алды. Бұл туралы РБК агенттігі әуекомпаниялар мен билет агрегаторларының сайттарына сілтеме жасай отырып жазады, деп хабарлайды kaz.tengritravel.kz сайты.

Aviasales қызметінің мәліметінше, қазіргі уақытта ресейліктер Мәскеуден Ыстамбұлға тікелей рейске билетті 23 қыркүйек, жұмадан бұрын сатып ала алмайды. Оның бағасы 76 мың рубльден (606 мың теңге) басталады. Рейсті "Аэрофлот" әуекомпаниясы орындайды. Алайда тасымалдаушының сайтында мұндай билет жоқ. Ыстамбұлға ең жақын қолжетімді тікелей рейс - 25 қыркүйек. Билеттің құны 58 мың рубльден (463 мың теңге) асады. Сонымен қатар, Turkish Airlines ұқсас рейске билеттерді 82 мың рубльге (654 мың теңге) ұсынады, бірақ ол жерге 24 қыркүйектен ертерек ұшуға билет жоқ.

Ұқсас жағдай Мәскеуден Ереванға тікелей рейстерде де байқалады. Аэрофлот сайтында 23 қыркүйекте тек бизнес-класқа билеттер қалған (122 мың рубльден бастап (974 мың теңгеден). Сонымен қатар, 24 қыркүйекте ресейліктер 62 мың рубльге (495 мың теңге) "үнемдеп" ұшып кете алады. Аэрофлоттан Бакуге тікелей рейске билетті 23 қыркүйектен ерте емес және 75 мың рубльге (599 мың теңге) сатып алуға болады.

Сонымен қатар, "Әзербайжан әуежелілері" 22 қыркүйектен бастап 719 еуроға (342 мың теңге), 24 қыркүйекке 394 еуроға (187 мың теңге) билеттер ұсынады. 23 қыркүйектен бастап ресейліктер Ташкентке ұша алады деп хабарланған. Баға - 64 мың рубль (510 мың теңге).