04 сәу, 2022 сағат 10:24

Ресейлік мәнерлеп сырғанаушы Димаш Құдайбергеннің әнімен өнер көрсетті

Танымал ресейлік мәнерлеп сырғанаушы, Олимпиада ойындарының күміс жүлдегері Евгения Медведева қазақстандық әнші Димаш Құдайбергеннің әнімен өнер көрсетті, - деп хабарлайды Tengrinews.kz.

Санкт-Петербургте "Мұз дәуірі" атты ауқымды қойылым өтті. Шоуға Камила Валиева, Евгения Медведева, Елизавета Туктамышева, Марк Кондратюк және басқа да танымал ресейлік мәнерлеп сырғанаушылар қатысты.

Әлем және Еуропа чемпионы, Олимпиада ойындарының күміс жүлдегері Евгения Медведева көрерменге Димаш Құдайбергеннің әніне жаңа көрсетілім нөмірін ұсынды.

Бұған дейін Димаш Құдайбергеновтің әндеріне қазақстандық мәнерлеп сырғанаушы Денис Тен, сондай-ақ ресейлік спортшылар жеке және жұптық сырғанауда өнер көрсеткен болатын.