Фото: postawy.by
Бұл туралы елдің Ішкі істер министрлігі мәлімдеп, Kun.uz басылымы хабарлайды.
Квадроберлердің ата-аналарына айтарлықтай айыппұл салынуы мүмкін.
Басылымның мәліметінше, 10 қазанда Ташкентте жануар маскасын киген квадробер байқалды, ал 11 қазанда тағы бір квадробер итке еліктеп, жолаушыларға шабуыл жасады. Ол оқиға куәгері болған баланы қорқытып жіберді.
Сарапшылардың пікірінше, квадробингке әуестену балалардың агрессивті жануарлардың мінез-құлқын қабылдауына әкелуі мүмкін, бұл өзіне және айналасындағыларға зиян тигізу қаупін тудырады. Ведомство балалардың бұл субмәдениетке қатысуы психикалық денсаулыққа қауіп төндіріп, әлеуметтік оқшаулануға ықпал ететінін атап өтті. Олар мұндай көріністерді ата-аналардың өз міндеттерін орындамауы деп бағалауға болатынын мәлімдеді. Бұл 1 миллион 875 мың сумға дейін айыппұл салуға әкеледі.
Контекст. Квадробика – Ресей, Украина және басқа елдердегі балалар мен жасөспірімдер арасында танымал жаңа субмәдениет. Бұл тренд әлеуметтік желілер арқылы кең таралды.
Бұл әуестенудің ерекшелігі – жануарлардың қылықтарын қайталау, маска және костюм кию.
Кейде квадроберлер ойын шеңберінен шығып кетеді. Мысалы, олар адамдарға немесе жануарларға шабуыл жасауы мүмкін, бұл кейбір психологтар мен психотерапевттерді алаңдатып отыр.
1973 рет оқылды
