Қазақстандықтар Александр Недовесов пен Андрей Голубев жұптық сында Хорватиядағы Сплит 2 челленджер турнирінің жартылай финалына өтті, деп хабарлайды "Ұлт ақпарат".
Қазақстандық жұп ширек финалда чехиялықтар Зденек Колар – Лукаш Росолмен шеберлік байқасты.
Недовесов бұдан бұрын Сплиттегі дәл осындай челленджер жарысының жартылай финалында қарсыластарын тізе бүктірген болатын.
Матч бұл жолы да тартысты өрбіді.
Бірінші партияда чехиялық жұп басымдылық көрсетті – 6:3.
Екінші сетте қазақстандықтар дәл осындай есеппен қарымта қайыра білді.
Тай-брейкте Недовесов пен Голубев жеңіске жетті – 10:8.
Бәсеке 1 сағат 19 минутқа созылды.
Қазақстандық жұп финалға шығу үшін Польша өкілдері Шимон Валков – Ян Зелинскимен таласады. Қазақстандықтар бұдан бұрын Сплитте осы жұппен финалда кездесіп, жеңіске жеткен болатын.
Вальков – Зелински ширек финалда хорватиялықтар Дуже Айдукович – Фран Нинчевичті 6:0, 6:4 есебімен ұтты.
685 рет оқылды
