Қытайдың «SinoPfarm» компаниясы әзірлеген COVID-19 вакцинасының 150 мың дозасы Қырғызстанға тегін берілді. «Манас» әуежайындағы гуманитарлық көмекті қабылдап алу рәсіміне Қыргыз Республикасының Премьер-министрі Улукбек Марипов катысты, деп хабарлайды Кабар агенттігі.
«COVID-19 пандемиясы ешбір ел вирусқа қарсы өзі жалғыз күресе алмайтынын дәлелдеді. Қырғыз Республикасы коронавирус инфекциясына қарсы өзі жеке және халықаралық серіктестерімен бірлесіп күреседі. Эпидемиологиялық күрделі ахуалға қарамастан Қытай қырғыз халқына айтарлықтай гмунаитарлық көмек көрсетуін жалғастырып келеді», - деді Улукбек Марипов. Ол вирусқа қарсы вакцина жасауды қолға алған аз елдің қатарында Қытайдың біршама жетістікке жеткенін мәлімдеді.
Қырғыз Республикасындағы ҚХР-дың төтенше және өкілеті елшісі Ду Дэвэнь гуманитарлық көмектің маңыздылығын мәлім етті.
«Қытай тарапының вакцинаны Қырғызстанға ақысыз негізде беру туралы шешімі екі елдің достық ниетін білдіріп, қырғыз-қытай қарым-қатынасының жоғары деңгейін және стратегиялық серіктес екендігін көрсетеді. Вакциналар қырғыз тарапына эпидемияға қасры күресте қырғыз халқының денсаулығы мен қауіпсіздігін қамтамасыз етуге көмектеседі деп сенемін», - деді елші.
784 рет оқылды
