Көлік полицейлері Түркия азаматшасын қос ел азаматтығын пайдаланғаны үшін әкімшілік жауапкершілікке тартты, деп хабарлайды "Ұлт ақпарат".
Алматы қаласының әуежайында желілік полиция бөлімінің қызметкерлері «Анталия-Алматы» әуе рейсімен ұшып келген Қазақстан және Түркияның қос азаматтығы бар 1987 жылы туған әйелді анықтады.
Оған қатысты ҚР ӘҚБтК 496-бабының 2-бөлігі, яғни, Қазақстан заңнамасында белгіленген мерзімде шетел азаматтығын алу фактісін хабарламау бойынша әкімшілік хаттама толтырылды.
Алматы қаласының мамандандырылған ауданаралық әкімшілік сотының шешімімен Түркия азаматшасы 5 жыл мерзімге ҚР аумағынан әкімшілік жолмен шығарып жіберу түріндегі жауапкершілікке тартылды.
Айта кетейік, жылдың басынан бері көлік полицейлері қос ел азаматтығы бар 3 азаматты анықтады, оның екеуі - Түркия, ал біреуі - АҚШ азаматы.
740 рет оқылды
_80_80.jpg)
