#
#
Жұма 05/03/2021

Хоккей: «Барыс» елордада «Сибирьге» есе жіберді

  • 21.02.2021
  • 0
  • 115

Құрлықтық хоккей лигасы аясында «Барыс» бүгін, 21 ақпанда елордада Ресейдің «Сибирь» (Новосібір) командасымен кездесті, деп хабарлайды "Ұлт ақпарат".

Екі команда бұған дейін биылғы турнирде үш мәрте кездесті. Оның екеуінде «Сибирь» клубының мерейі үстем болды. 

Тағы бір айта кетерлігі, командалар бұған дейін 40 мәрте шеберлік байқасты. Оның он тоғызында «Барыс» басымдық танытса, қалғанында «Сибирьдің» мерейі үстем болды.

Бүгінгі кездесудің бірінші кезеңінде екі клуб та бір-бірінің қақпасынан саңылау таба алған жоқ. Екінші кезеңде ресейлік хоккейшілер белсенділік танытып, «Барыс» қақпасына қатарынан үш шайба соғып кетті. Алдымен Владислав Ушенин 23, 30 минуттарда мергендік танытса, Дмитрий Саюстов 32-минутта есепті үстемелей түсті. Бұдан кейін «Барыс» қақпашысы Хенрик Карлссон өзінің орнын әріптесі Денис Каратаевқа босатып берді. 

«Сибирь» сапынан Олег Ли 51, Данил Романцев 55-минуттарда тағы екі шайбаның авторы атанды. Оған «Барыс» хоккейшісі Никита Михайлис 55-минутта жалғыз шайбамен жауап қайырды. Осылайша елордалық клуб қарсыласына 1:5 есебімен есе жіберді.

Енді «Барыс» үш ойынды сырт айдында өткізеді. Алдымен 23 ақпанда «Ак Барс» (Ресей) командасымен кездессе, Қытайдың «Куньлунь Ред Стар» (Қытай) клубымен 25, «Авангард» (Ресей) 27 ақпан күндері шеберлік байқасады. 

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар