Президент тапсырмасын орындау аясында Қазақстан Республикасының барлық әуежайында цифрлық құжаттар қызметі (eGov Mobile) енгізілді, деп хабарлайды ҚР ИИДМ баспасөз қызметі.
Осы қызметтің арқасында ішкі рейстердегі жолаушылар жеке мәліметтерін растау үшін eGov Mobile қосымшасы арқылы цифрлық куәлігін көрсетуге мүмкіндік алды.
Әуежайда цифрлық жеке куәлікті пайдалану үшін eGov mobile-да авторландырылған пайдаланушы «цифрлық құжаттар» қызметіне кіріп, тізімнен жеке куәлікті таңдау керек. Әуежайдың тіркеу тағанында, сондай-ақ ұшу алдындағы тексеруден өту кезінде сервисте жасалған QR-коды бар смартфонның экранын көрсету қажет.
Ішкі рейстерде цифрлық жеке куәлікті пайдалану мүмкіндігі қазақстандықтарда Индустрия және инфрақұрылымдық даму министрлігінің, Цифрлық даму, инновациялар және аэроғарыш өнеркәсібі министрлігінің, Азаматтық авиация комитетінің, «Қазақстанның авиациялық әкімшілігі» АҚ- ның, Қазақстан Республикасының әуе компаниялары мен әуежайларының және «лттық ақпараттық технологиялар» АҚ-ның жүйелерді интеграциялау бойынша бірлескен жұмысының арқасында пайда болды.
1036 рет оқылды
