23 қар, 2021 сағат 14:18

Қазақстандық дуэт The Voice шоуының әлемдік рейтингіне кірді

Құралай Мейрамбек пен Әлия Намялиеваның орындауы "The Voice" ("Qazaqstan дауысы") шоуының қазақстандық нұсқасында Best of the Voice әлемдік рейтингіне кірді, - деп хабарлайды Tengrinews.kz.

Қыздар әнші Мархаба Сәбидің "Қай заман" әнін орындап, жоба тәлімгерлерін таңғалдырды. Сонымен қатар, олардың өнерлері YouTube арнасында көрсетілді, онда әлемнің түкпір-түкпірінен The Voice шоуына қатысушылардың ең жақсы нөмірлері жиналады.

Қыздар Сәкен Майғазиевтің командасында болды. Нәтижесінде, тәлімгер Құралай Мейрамбекті таңдады. Айта кетейік, оның көрмей тыңдау кезіндегі қойылымы "Голос" шоуының әлемдік рейтингінің назарына ілікті. Ол "Қорқыт-қобыз" композициясын тамаша орындаған еді.

"Туыстарыма, отбасыма, достарыма және мені қолдаған бәріне алғыс білдіремін. Бізге өзімізден артық сенетін тәлімгер Сәкен ағаға ерекше алғыс білдіремін. Әрине, бірге дуэт айтқан керемет орындаушы Әлияға рақмет. Мен бұл идеяны іске асырып, керемет өнер көрсеткенімізге қуаныштымын", - деді Құралай.