Жақында қазақстандық әуе компаниялары жаңа халықаралық рейстерді ашады. Бұл туралы ҚР ИИДМ Азаматтық авиация комитетінен мәлім етті.
«Бүгінде Қазақстан шет мемлекеттермен 99 халықаралық бағдарды қамтып отыр. Нұр-Сұлтан қаласынан 34 халықаралық бағдар бойынша тұрақты рейстер орындалып келеді», - делінген ведомство мәліметінде.
Белгілі болғандай, бүгінде 14 ішкі әуе бағдары, сондай-ақ «Нұр-Сұлтан – Токио» бағытындағы халықаралық бағдары субсидиялануда.
«Орта мерзімді перспективада қазақстандық әуе компаниялары Шанхай (2020 жылы), Сингапур (2020 жылы), Нью-Йорк (2023 жылы) бағыттарында рейс ашуды жоспарлап отыр», - деп аталып өткен комитет ақпаратында.
Бұдан бұрын хабарланғандай, бірқатар шетелдік әуе компаниялары Қазақстанға жаңа рейстерді ашуға қызығушылық танытып отыр.
1000 рет оқылды
