Әлемнің бірнеше дүркін рекордшысы қазақстандық Сергей Цырульников өзінің қара күшімен кезекті рет отандастарын тәнті етті, деп хабарлайды "Ұлт ақпарат".
Бұл жолы алып күш иесі салмағы 24 тонна болатын тракторды бірнеше метрге сүйреді. Бұл ТМД-дағы ең үлкен тракторлардың бірі. Салыстырмалы түрде айтсақ, «Кировец» тракторының салмағы шамамен 14 тоннаны құрайды. Ал отандасымыз сүйреген трактор одан 10 тоннаға ауыр. Күш нөмірі Солтүстік Қазақстан облысының Николаевка ауылында өтті.
Еске сала кетейік, Цырульниковтың Қазақстандағы Гиннестің рекордтар кітабына енген соңғы рекорды калибрленген тағаны жылдамдыққа ию болатын.
1038 рет оқылды
