Қазақстанда 2019 жылдың наурызында коммерциялық жылжымайтын мүлікті жалға алу құны 2018 жылдың желтоқсанымен салыстырғанда 0,2%, осы жылдың қаңтар-наурызында өткен жылдың осы кезеңімен салыстырғанда 0,3% артқан, деп хабарлайды "Ұлт ақпарат" ҚР Ұлттық экономика министрлігі Статистика комитетіне сілтеме жасап.
Осы жылдың басында өндірістік ғимараттарды жалға алу құны 1,4%-ға, басқа да коммерциялық жылжымайтын мүліктер - 0,8%-ға, паркингтер - 0,3%-ға қымбаттады. Әкімшілік-кеңселік бағыттағы, сауда және қойма ғимараттарының аренда бағасы 0,2%-ға артты. Өз кезегінде мейрамханалар мен қоғамдық тамақтану орындарының жалға алу құны өзгеріссіз қалған.
Есепті кезеңде өнеркәсіп базаларында баға қатты көтерілген - 2,2%. Банк бөлімшелері мен өндірістік цехтар - 1,1%-ға, фотосалондар 0,6%-ға жоғарылаған. Дүңгіршектер арендасы 1,8%-ға, фитнес клубтар мен жаттығу залдары 0,8%-ға арзандаған.
1907 рет оқылды
