Қасым-Жомарт Тоқаев Қазақстан Республикасы Президентінің кейбір жарлықтарына өзгерістер енгізу туралы Жарлыққа қол қойды, - деп хабарлайды "Ұлт ақпарат" Ақорда сайтына сілтеме жасап.
"2021 жылғы 2 шілдедегі № 615 Жарлығымен "Қазақстан Республикасының Мемлекеттік хаттамасын бекіту туралы" Қазақстан Республикасы Президентінің 2006 жылғы 12 қазандағы № 201 Жарлығындағы сөздердің бір бөлігі ауыстырылсын", - делінген хабарламада.
Оылайша, жаңа жарлыққа сәйкес сөздерді ауыстыру туралы қаулы шығарылады:
"29-тармақтағы "Қазақстан Республикасы Президенті Протоколының (бұдан әрі – Президент Протоколы)" деген сөздер "Қазақстан Республикасы Президентінің Протокол қызметі (бұдан әрі – Президенттің Протокол қызметі)" деген сөздермен ауыстырылсын;
33-тармақтағы "Президент Протоколы" деген сөздер "Президенттің Протокол қызметі" деген сөздермен ауыстырылсын;
65-тармақтағы "Президент Протоколының" деген сөздер "Президенттің Протокол қызметінің" деген сөздермен ауыстырылсын;
92-тармақтағы "протоколы" деген сөз "Протокол қызметі" деген сөздермен ауыстырылсын;
95-тармақтағы "Президент протоколы" деген сөздер "Президенттің Протокол қызметі" деген сөздермен ауыстырылсын;
Сондай-ақ, 111-тармақ мынадай редакцияда жазылсын:
"111. Шетелдік мемлекетке сапарды ұйымдастыру үшін онда құрамына Президенттің Протокол қызметінің, Президенттің Баспасөз қызметінің, Президент Әкімшілігі Сыртқы саясат және халықаралық байланыстар бөлімінің, Мемлекеттік күзет қызметінің және Президенттің Іс басқармасының, сондай-ақ Сыртқы істер министрлігінің өкілдері кіретін жұмыс тобы жіберіледі".
Бұдан бөлек, Жарлықпен бекітілген Қазақстан Республикасы Президенті Әкімшілігінің құрылымына өзгерістер енгізіледі. Мысалы, "Президент хаттамасы" деген жол мынадай редакцияда жазылсын: "Президент хаттамасының қызметі".
