#
#
Сенбі 04/07/2020

Қазақстан қай елдермен әуе қатынасын ашады?

  • 29.05.2020
  • 0
  • 246

ҚР ИИДМ Азаматтық авиация комитетінің төрағасы Талғат Ластаев халықаралық әуе рейстерін жандандыруға қатысты түсінік берді, – деп хабарлайды ҚазАқпарат.

«Қазақстан аумағында коронавирус инфекциясы таралуының алдын алу бойынша ведомствоаралық комиссияның отырысында Сыртқы істер министрлігі мен Денсаулық сақтау министрлігіне бірлесе отырып, бірнеше халықаралық әуе бағыттарын қайта ашу бойынша жұмыс жүргізуге тапсырма берілді. Соның ішінде бірінші кезеңде COVID-19 бойынша эпидемиологиялық жағдайының классификациялық деңгейіне сәйкес, Оңтүстік Корея, Қытай және Әзербайжан кірді. Біз аталған мемлекеттердің авиациялық басқармаларымен әуе рейстерін жандандыру мүмкіндігін енді пысықтауды бастап жатырмыз», - деді Т. Ластаев Орталық коммуникациялар қызметіндегі баспасөз мәслихатында.

Оның сөзіне қарағанда, екінші кезеңде эпидемиологиялық қауіпсіздік деңгейіне байланысты Түркия, БАӘ, Германия, Таиланд және Чехия қарастырылады.

«Атап өтер жайт, бұл рейстер ертеңнен бастап ашылмайды. Олар эпидемиологиялық жағдайға байланысты және барлық инстанциялармен келісу дәрежесіне қарай жанданады. Рейстердің нақты ашылуы күні туралы қосымша хабарлаймыз», - деді Талғат Ластаев.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар