Нью-Йорктегі Madison Square Garden аренасында мексикалық боксшы Сауль "Канело" Альварес (50-1-2, 34 КО) британиялық Рокки Филдингпен (27-1, 15 КО) жұдырықтасты, деп хабарлайды Sputnik агенттігі Sports.kz порталына сілтеме жасап.
Екінші орта салмақта өткен жекпе-жекте "тұрақты" әлем чемпионы белдігі сарапқа салынды. Жекпе-жек кезінде "Канело" Головкиннен кейінгі қарсыласы Филдингті төрт рет нокдаунға жіберді. Кездесу үшінші раундта техникалық нокаутпен – Альварестің жеңісімен аяқталды.
Осылайша "Канело" жаңа дивизионда әлем чемпионы атанып, кәсіпқой бокстағы 51-ші жеңісіне қол жеткізді. Ал Рокки екінші жеңілісінің ащы дәмін татты.
Еске сала кетсек, 15 қыркүйекте қазақстандық боксшы Геннадий Головкин мен Сауль Альварес қарымта жекпе-жек өткізген болатын. Төрешілер шешімімен екінші кездесуде "Канело" жеңіске жетіп, орта салмақта әлем чемпионы атанды.
1713 рет оқылды
