Калифорния полициясы соңғы айда осы штаттың оңтүстік бөлігіндегі жоғары жылдамдықты бірнеше трассаларда жүздеген автокөлікті, болжам бойынша пневматикалық карумен атқылаған бір немесе бірнеше қаскүнемді іздестіруде. Бұл туралы CNN телеарнасы хабарлады.
Жергілікті жол полициясының қызметкері Джей Санчестің айтуынша, осы оқиғалардың салдарынан Лос-Анджелес, Ориндж және Риверсайд округтерінде бір адам кішігірім жарақат алып, бірнеше автокөлік қатты зақымданған, себебі алдыңғы әйнексіз қалған. Кезекші полицей әзірге құрбандардың болмауының сәттілік екенін атап өтті. Күре жолдар жоғары жылдамдықты болғандықтан, әйнек пен дөңгелектің зақымдануы жол-көлік оқиғасына ұласуы мүмкін.
Атыс түрлі аудандарда, түрлі уақытта болғандықтан, қаскөйлерді іздестіру қиынға соғуда, дейді полиция. Сол себепті құқық қорғаушылар әзірге тіпті атыс болған аумақтарды да анықтай алмай отыр.
746 рет оқылды
