Израильдің солтүстігінде Хайфа қаласының маңындағы Кармель жағалауындағы теңіз түбінен Римнің Ай құдайы мен шаян жұлдызнамасының белгісі бейнеленген 1850 жылдық сирек кездесетін қола монета табылды, деп хабарлайды ҚазАқпарат агенттігі CBS News-ке сілтеме жасап.
Израиль археологтары Император Антонин Пийдің (б.з.д. 138-161 жылдар) Александрияда (қазіргі Египет) соғылған Рим дәуірінің өте жақсы сақталған монетасын көрсетті.
Ол он үш монета сериясына тиесілі. Әр түрлі Зодиак белгілері бейнеленген он екі және барлық белгілер топтастырылған он үшінші монета. Монетада Рим империясында салыстырмалы тыныштық орнаған 144/145 ж.ж. Антонин Пийдің билігінің сегізінші жылын білдіретін «Сегізінші жыл» күні бейнеленген.
Теңіз археологиясының жетекшісі Джейкоб Шарвит монета басқа монеталардың «кішігірім қазына қоймасынан» табылғанын және жақын жерде кеме апаты болғанын көрсетеді деп мәлімдеді.
Бұл олжаны Израильдің көне жәдігерлер басқармасының нумизматика жөніндегі сарапшысы Лиор Сандберг көне жәдігерлерді жағалаудағы дамыту жұмыстарынан қорғауға бағытталған теңіз зерттеуі кезінде анықтады. Мұндай монета Израиль жағалауында алғаш рет табылды.
1129 рет оқылды
