_48_48.jpg)
Grammy иегері Иманбек Зейкенов YouTube-каналында жаңа бейнеклип жариялады, деп хабарлайды ҚазАқпарат.
Америкалық әнші Salem Ilese-пен бірге түсірген клип Married to your melody деп аталады.
Иманбек Зейкенов пен Salem Ilese бірігіп жазған Married to your melody композициясы 9 сәуірде ғана көпшілікке таныстырылған болатын. Араға 13 күн салып композицияның бейнеклипі жарияланып отыр.
Еске сала кетейік, осы айдың басында қазақстандық диджей әлемдік турын бастайтынын хабарлаған еді.
Ол тур 8 сәуірде Нью-Йоркте басталып, 25 қыркүйекке дейін жалғасады. Барлығы 24 концерт беру жоспарланып отыр. Тур барысында Иманбек Канада, Швеция, Норвегия, Италия, АҚШ, Германия және Латын Америкасы елдерінде концерт береді.
1015 рет оқылды
