Қазақстандық диджей Иманбек Зейкенов тағы бір әлемдік деңгейдегі музыкалық сыйлыққа ие болды, деп хабарлайды "Ұлт ақпарат".
Бүгін таңертең АҚШ-та әлемдік дәрежедегі Billboard Music Awards сыйлығының табыс ету рәсімі өтті.
Аталған музыкалық бәсекеде жерлесіміз Иманбек Зейкеновтің (Imanbek) «Roses» композициясына жазған ремикс нұсқасы Top Dance/Electronic Song номинациясы бойынша жеңімпаз атанды.
Ол туралы Billboard Music Awards сыйлығының ресми сайтында жазылған.
Одан бөлек, қуанышты хабармен диджей өзінің Instagram парақшасында бөлісті.
«Billboard Music сыйлығын алдым, бұл дәл Грэмми сыйлығы секілді», - деп жазды ол.
Еске сала кетейік, биыл наурыз айында Иманбек Зейкенов жоғарыда аталған музыкалық туындысы үшін әйгілі «Грэмми» сыйлығын ұтып алған болатын.
1381 рет оқылды
