Grammy сыйлығының иегері Иманбек Зейкенов Titans әніне жаңа ремикс жазды, - деп хабарлайды Tengrinews.kz.
Ямайка-америкалық Major Lazer триосы мен аустралиялық әнші Sia-ның бұл әні биыл көктемде жарық көрген болатын. Ал 21 мамырда әннің жаңартылған нұсқасы, ремиксі шықты. Оны жерлесіміз Иманбек жазған.
Қазақстандық диджей кезекті туындысын Instagram-ға жүктеді. Тректі барлық музыкалық платформадан тыңдауға болады.
Еске салайық, бұған дейін Imanbek америкалық рэп орындаушы 50 Cent-тің In Da Club композициясына ремикс шығарған болатын.
Оның алдында ұлыбританиялық әнші Cher Lloyd-пен бірге Baddest атты жаңа трек жазды.
Сондай-ақ, қазақстандық диджей Morgenstern және Fetty Wap-пен трек шығарды. Ән Leck деп аталады.
1101 рет оқылды
