Халықаралық бокс ұйымы (IBO) рейтингтерінің жаңартылған нұсқасы шықты, деп хабарлайды Sports.kz сайты.
Суперауыр салмақта бұрын IBO Inter-Continental-дың чемпионы болған Жан Кособуцкий титулынан айырылып, енді 29-ыншы орында тұр, Руслан Мырсатаев 82-ші орыннан 78-ші орынға көтерілді, Иван Дычко үздіктер «жүздігінен» шығып кетті.
Бірінші ауыр дивизионда Қамшыбек Қоңқабаев 79-шы орыннан 65-ші орынға көтерілды, Әли Балоев екі саты жоғары көтерілді (78-ші орын), Еділ Қожамбердиев те 91-ші орыннан 89-шы орынға көтерілді, бұған дейін 93-шы орында болған Бек Нұрмағамбет 88-ші орынға шықты.
Екінші орта салмақта Айдос Ербосынұлы 15-ші орыннан 16-шы орынға сырғыды, Нұрзат Сабыров 42-ші орынға тұрақтады, Әли Ахмедов 82-ші болды (бұған дейін 79-ыншы еді).
Чемпиондықты Геннадий Головкин сақтап жүрген орта салмақ категориясында Қанат Ислам 13-інші орында қалды, Жәнібек Әлімханұлы 17-ші орыннан 18-іншіге түсті, ал Мейірім Нұрсұлтанов бұған дейін 19-шы орында болса, енді 22-ші орынға түскен.
Бірінші орта категорияда Садриддин Ахмедов 40-шы орыннан 28-іншіге көтерілген. Жартылай орта салмақ дәрежесінде Данияр Елеусінов 22-ші, Нұрсұлтан Жаңабаев — 61-ші (57-інші еді) болды, Бобиржан Моминов тізімнің 68-ші сатысын сақтап қалды.
Батыр Жүкембаев рейтингтегі бірінші жартылай орта салмақта 10-шы орынды сақтап қалған. Жеңіл салмақ категориясында шығып жүрген Виктор Коточигов бұрынғыдай 57-ші орында. Екінші жартылай жеңіл салмақта Сұлтан Зауырбек 54-ші орыннан 52-шіге көтерілген. Елшат Нығметолла ең жеңіл категорияда жағдайын жақсартып, 42-ші орыннан 39-шыға көтерілді.
726 рет оқылды
