06 шіл, 2020 сағат 07:14

Грузиялық меценат Қазақстанға өкпені жасанды желдету аппараттарын жіберді

Бүгін Грузиядан Қазақстанға өкпені жасанды желдетуге арналған 10 аппарат жеткізілді, деп хабарлайды ҚР Сыртқы істер министрлігі.

Өкпені жасанды желдету аппараттарының 10 жиынтығын қамтитын гуманитарлық жүк Тбилисиден Алматыға жетті. Оны «Грузияның индустриялық тобы» директорлар кеңесінің төрағасы Давид Бежуашвили жіберген.

Енді аппараттар Нұр-Сұлтан қаласының медициналық мекемелері арасында таратылатын болады.

«Қазақстан СІМ достас Грузия халқына, «Грузия индустриялық тобының» басшысы Давид Бежуашвилиге коронавирус пандемиясымен күресте көрсеткен қолдауы үшін алғысын білдіреді», - делінген ақпаратта.