08 нау, 2022 сағат 20:13

Голливуд Қазақстанға санкция жариялады ма?

Голливуд Қазақстанға қарсы санкция жарияланған жоқ. Бұл туралы Ұлттық киноны қолдау мемлекеттік орталығы басқарма төрағасының орынбасары Бауыржан Шүкенов мәлімдеді, - деп хабарлайды Tengrinews.kz тілшісі.

Спикердің айтуынша, Голливуд киностудиялары өз фильмдерін Қазақстанда көрсетуді тоқтата тұру туралы шешім қабылдаған жоқ.

"Голливудтық компаниялардың ешқайсы Қазақстанға санкция жариялаған жоқ. Яғни, әлі ешкім ресми түрде қазақстандық кинотеатрларда голливудтық фильмдерді прокаттаудан бас тартпады", - деді Шүкенов.

Сонымен қатар, ол Kinopark және Kinoplexx Theatres кинотеатрлар желісінің басшысы Алмаз Меңдібаевтың мәлімдемесі туралы пікір білдірді.

"Қазақстандық кинотеатрлардың жабылуына ешқандай объективті себеп жоқ. Дегенмен, Kinopark желісінің неге жабылу туралы шешім қабылдағанын білмеймін. Менің ойымша, біз білмейтін шикілік бар", - дейді Шүкенов.