Ғалымдар теледидарды ұзақ отырып көрген 50 жасқа дейінгі адамдарда ішек обыры дертіне шалдығудың жоғары қаупі бар екенін анықтады, деп хабарлайды EurekAlert.
Олар АҚШ-та 1989 жылдан бері жиналған негізгі созылмалы аурулар үшін қауіпті факторлар туралы мәліметтер базасының ең ірі қоры - Мейірбике денсаулығын зерттеудің екінші кезеңінің нәтижелерін талдап шықты. Ғалымдар «қатысушылардың отыру әдеттеріне», атап айтқанда, олардың «теледидар алдында телміріп» өткізген уақытқа назар аударды.
Тікішек обырының ерте дамуының 118 оқиғасын зерттеген ғалымдар телебағдарламаларды көріп өткізген бір сағат уақыт ауруға шалдығу қаупін 12 пайызға өсіргенін байқаған. Ал күн сайын теледидар алдында екі сағаттан артық отырғандардың дертке шалдығу қаупі 70 пайыз жоғары болды.
Ғалымдар анықталған бұл заңдылықтың зерттеуге қатысушылардың салмағы және физикалық белсенділігімен, сондай-ақ, генетикалық факторға байланысты емес екенін атап өтті.
1497 рет оқылды
