18 наурызда UEFA Еуропа лигасы 1/4 финалына шыққан командалар толықтай анықталды, деп хабарлайды "Ұлт ақпарат".
Мүндай мүмкіндікке «Вильярреал» және «Гранада» (Испания), «Манчестер Юнайтед» және «Арсенал» (Англия) «Славия Прага» (Чехия), «Аякс» (Голландия), «Рома» (Италия), «Динамо Загреб» (Хорватия) командалары ие болды.
Ширек және жартылай финалға жеребе тарту рәсімі бүгін, 19 наурызда Швейцарияның Ньон қаласында UEFA штаб-пәтерінде өтеді.
1/4 финал 8 және 15 сәуір күндеріне белгіленген. Ал жартылай финал 29 сәуір мен 6 мамыр күндері өтеді.
Финал 26 мамырда Польшаның Гданьск қаласындағы «Гданьск Арена» стадионында болады.
Айта кетейік, былтыр аталған турнирде Испанияның «Севилья» командасы чемпион атанған еді.
Бұдан бұрын UEFA Чемпиондар лигасы ширек финалына жолдама алған сегіз команда анықталғанын хабарлаған едік.
718 рет оқылды
