Футболдан Қазақстан кубогының финалы 6 қазан күні Нұр-сұлтан қаласындағы «Астана-арена» стадионында өтеді, деп хабарлайды "Ұлт ақпарат".
финалда Қызылордалық «Қайсар» және Атыраудың «Атырау» командалары кездеседі. Жартылай финалда «Қайсар» Қостанайдың «Тобылын» орта жолда қалдырса, «Атырау» Шымкенттің «Ордабасы» клубын тізе бүктірді.
«Қайсар» командасы 1999 жылы кубокқа ие болып, ол жолы Өскеменнің «Востогынан» 2:1 есебімен басым түсті. 1998 жылы финалға дейін жетсе, 2007 жылы жартылай финалда бақ сынады. Ал «Атырау» 2009 жылы кубок иегері атанды. Сол жолы Қарағандының «Шахтерін» 1:0 есебімен жеңген болатын. Соңғы екі жылда финалға дейін жетті. Сондай-ақ, 2001, 2004 және 2005 жылдарда жартылай финалға шыға алды.
Айта кетейік, осы уақытқа дейін Алматының «Қайраты» 9 мәрте Қазақстан кубогы иегері атанды.
Одан кейінгі орындарда «Астана-1964» (бұрынғы «Жеңіс») пен «Астана» командаларында үш-үштен кубок бар. Ал «Ертіс», «Тараз», «Восток», «Тобыл», «Ақтөбе», «Шахтер», «Атырау», «Қайсар», «Алма-Ата», «Ордабасы», «Достық», «Спартак» (Семей), СКИФ-«Ордабасы» және «Қызылжар» командалары бір-бір мәрте жеңімпаз болды.
1877 рет оқылды
_80_80.jpg)
