Елордада күрес түрлерінен өтіп жатқан лицензиялық Әлем чемпионатында еркін күрестен Нұрислам Санаев Токио Олимпиадасына жолдама жеңіп алды, деп хабарлайды "Ұлт ақпарат".
57 келіде ел намысын қорғаған Нұрислам Санаев ширек финалда колумбиялық Оскар Урбанодан айласын асырып, жартылай финалға өтті. Ол Урбано 10:6 есебімен жарыс жолынан тайдырды. Осылайша әлем чемпионатының жартылай финалына өтіп, оған қоса Токио Олимпиадасының жолдамасын жеңіп алды.
Нұрислам Санаев алғашқы белдесуінде молдовалық Анатолий Бурьянды 11:0 есебімен ұтса, 1/8 финалда германиялық Джастин Джуниор Лерді 7:0 есебімен жеңіп, ширек финалға шыққан еді.
Сондай-ақ, осыған дейін Дәулет Ниязбеков алдағы Олимпиада ойындарына жолдама ұтып алған еді.
1665 рет оқылды
_80_80.jpg)
