АҚШ президентінің дәрігері Кевин О'Коннор мен оның командасы Ақ үй басшысында COVID-19 белгілері азайып бара жатқанын айтты. Сондай-ақ, ол Джо Байден коронавирустың BA.5 нұсқасымен ауырған болуы мүмкін деп санайды, деп хабарлайды ҚазАқпарат.
Жеке дәрігердің соңғы мәлімдемесіне сәйкес, президент Джо Байденнің COVID-19 белгілері «Паксловид» препаратын қабылдағаннан кейін жақсара бастаған.
«Қазір Джо Байденде тамақ ауруы, тұмау, жөтел мен дененің әлсіздігі бар», - деді О'Коннор сенбідегі мәлімдемесінде.
Алдын ала нәтижелер Байденде вирустың BA.5 жаңа нұсқасы болуы мүмкін екенін көрсетеді. BA.5 вирусы қазіргі уақытта АҚШ-тағы жаңа инфекциялардың 80% құрайды.
Дәрігердің айтуынша, президенттің тамыр соғысы, қан қысымы, тыныс алу жиілігі, оттегі деңгейі қалыпты күйде.
Ал Ақ үйдің хабарлауынша, АҚШ президенті сынақтары теріс нәтиже бермейінше, оқшауланып жұмыс істейтін болады.
1083 рет оқылды
