19 мам, 2017 сағат 18:31

Димаш: Ұйықтар алдында амандығым үшін дұға оқимын

Қытайда белгілі «Easy» журналы қазақстандық әнші Димаш Құдайбергеновке бірнеше бетін арнады.

«Журналдың кезекті нөмірінде басылым әншінің суреттерін жариялады», - деп хабарлады Instagram желісіндегі жас орындаушының @dimash_alpanda атты жанкүйерлер парақшасы.

Сондай-ақ, жанкүйерлер парақшасында Димаштың «Easy» журналына берген сұхбатынан үзінді келтірілген:

- Үйден шыққанда әдетте өзіңмен бірге нені алып жүресің?

- Кілт.

- Соңғы уақыттарда алаңдатып жүрген жайттар бар ма?

- Мені ештеңе алаңдата алмайды.

- Таңертең ерте тұру үшін оятқыш қолданасың ба?

- Ұйқыдан оятуға біреу көмектессе ғой.

- Алған сыйлықтарыңның ішінде қатты ұнағаны бар ма?

- Әр сыйлық ерекше.

- Сүйікті нақылың?

- Барлығы.

- Соңғы рет қай тректі тыңдадың?

- Michael Jackson - Beat It.

- Ұйықтар алдында не істейсің?

- Амандығым үшін дұға оқимын.

- Дене бітіміңнен өзіңе ең ұнайтын бөлігі қайсы?

- Мұндай сұраққа жауап беру ыңғайсыз екен! Айтпаймын.

- Балалық арманың?

- Атақты әнші болу.

- Бізге әлі де беймәлім қабілеттерің бар ма?

- Өте көп......... ха-ха-ха, қалжың. Алдағы уақытта біртіндеп өздеріңіз көресіздер.