Қазақстандық танымал әнші Димаш Құдайберген Қытай Орталық телевизиясының жаңа жылдық "Spring Festival Gala" немесе "Chunwan" шоуында ән шырқайды. Бұл шоуды Қытай Орталық Телеарнасы бірнеше арнада көрсететін болады (CCTV, CCTV-1, CCTV-3,CCTV-4,CCTV-7,CCTV Children).
Жыл сайын фестивальді 700 миллионан асатын көрермен қарайды. Қытайлық телеарна тілшілерінің хабарлауынша, Димаш бірнеше тілде сөйлей алады және де оны Қытай аудиториясы өте жақсы көреді.
Димаш Құдайберген алдағы концертте Юань есімді композитор жазған әнді орындайды. Бұл кеште бұрын Софи Марсо, Селин Дион, Джеки Чан секілді жұлдыздар өнер көрсеткен.
Көктем мерекесіне арналған гала-концертке тек қана халық сүйетін әртістер шақырылады. Кешті Астана уақыты бойынша 18:00-де тамашалауға болады.
1954 рет оқылды
