UEFA Чемпиондар лигасында екінші тур ойындары өтті, деп хабарлайды "Ұлт ақпарат".
Ойындар А, B, C, D топтарында өткізілді. А тобында сынға түсіп жатқан Испанияның «Реал» командасы тағы да өз жанкүйерлерін қуанта алмады. Атақты клуб екі турда небәрі бір-ақ ұпайға қол жеткізді. Бүгін олар Бельгияның «Брюгге» командасына есе жіберіп қоя жаздады. Бірінші кезезңде бельгиялық клуб сапынан Эммануэль Деннис 11 және 39-минуттарда қос голдың авторы атанды. «Реал» сапынан оған 55-минутта Серхио Рамос бір голмен жауап берсе, 85-минутта Каземиро таразы басын теңестірді. Нәтижесінде екі команда 2:2 есебіне қанағат білдіріп тарасты. Бірінші турда «Реал» сырт алаңда Францияның ПСЖ командасынан 0:3 есебімен жеңіліп қалған болатын. Осылайша «Реал» екі турдан кейін небәрі бір ғана ұпай жинап, турнир кестесінде көш соңында тұр. Аталмыш топтағы Түркияның «Галатасарай» және Францияның ПСЖ командалары арасындағы кездесуде гол 52-минутта соғылды. Оны Мауро Икарди өзінің еншісіне жазды. Ойын 0:1 есебімен ПСЖ командасының жеңісімен аяқталды.
Бұл турдағы тағы бір тартысты кездесу В тобындағы Англияның «Тоттенхэм Хотспурс» және Германияның «Бавария» командалары арасында өтті. Аталмыш ойын көп гол соғылуымен ерекшеленді. Есепті алаң иелері сапынан Сон Хын Мин 12-минутта ашқан болатын. Дегенмен одан кейін «Бавария» футболшылары қатарынан төрт гол соқты. Алдымен 13-минутта Йозуа Киммих таразы басын теңестірсе, 45-минутта Роберт Левандовски өз командасын алға шығарды. Ал 53 және 55-минуттарда Серж Гнабри қос гол соғып кетті. «Тоттенхэм Хотспурс» шабуылшысы Гарри Кейн пенальтиден есеп айырмасын қысқартқан еді. Дегенмен бұдан кейін «Бавария» сапынан 82-минутта Серж Гнабри мергендік танытты. Ал 87-минутта Роберт Левандовски мергендігімен танылса, 88-минутта Серж Гнабри покердің авторы атанды. Осылайша «Бавария» 7:2 есебімен жеңіске жетті. Неміс футболшылары екі ойында он гол соғып отыр.
Аталмыш топтағы тағы бір кездесу Сербияның «Црвена звезда» және Грекияның «Олимпиакос» командалары арасында өтті. «Олимпиакос» сапынан 37-минутта Рубен Семеди есеп ашса, оған «Црвена звезда» қатарынан 62-минутта Милош Вулич бір голмен жауап қайырды. Ал 87-минутта серб футболшысы Неманья Милунович өз командасын алға шығарса, оның командалас әріптесі Ричмонд Боакье қорытынды есепті белгіледі. Есеп 3:1. «Црвена звезда» үш ұпайды олжалады.
Ал С тобында Украинаның «Шахтері» сырт алаңда Италияның «Аталанта» клубын 2:1 есебімен тізе бүктірді. Ойында «Аталанта» сапынан Дуван Салата 28-минутта есеп ашса, «Шахтер» сапынан Жуниор Мораес 41-минутта таразы басын теңестірді. Ал украиналық клуб сапынан Монор Саломон 95-минутта жеңіс голын соғып кетті.
Бұл топтағы Англияның «Манчестер сити» және Сербияның «Динамо» (Загреб) клубы арасында ағылшындар сапынан 66-минутта Рахим Стерлинг есеп ашты. Ал 95-минутта ағылшын футболшысы Филип Фоден есепті ұлғайта түсті. Ойында «Манчестер сити» 2:0 есебімен жеңіске жетті.
Д тобында Ресейдің «Локомотиві» өз алаңында Испанияның «Атлетико Мадрид» командасымен кездесті. Бұл ойында испандық клуб сапынан 48-минутта Жоау Фелиш 48-минутта есеп ашса, 58-минутта Томас Парти есепті ұлғайта түсті. Ресейлік клуб қарсыласына 0:2 есебімен есе жіберді.
Осы топтағы Италияның «Ювентусы» өз алаңында Германияның «Байерін» 3:0 есебімен ойсырата жеңді. Итальяндықтар сапынан Гонсало Иуаин 17, Федерико Берардски 61, Криштиану Роналду 88-минутта мергендік көрсетті.
Чемпиондар лигасында бүгін, 2 қазанда қалған төрт топта ойындар өткізіледі.
1514 рет оқылды
_80_80.jpg)
