«Қазгидромет» РМК алдағы үш күнгі ауа райы болжамын ұсынды, деп хабарлайды "Ұлт ақпарат".
«Қаңтар айының аяқталуына небәрі үш күн қалды. Бұл күндері ауа райында елеулі өзгерістер болмайды. Әдеттегідей, қатты аяздан кейін күн жылдам жылынып, кейін қайта суытады. Алдағы тәулікте 35 градустық аяздар суық антициклонмен бірге шығысқа қарай ығысады. Ал Қазақстанға Каспий теңізінің оңтүстігінде қалыптасатын циклон келеді. Солтүстік-шығысқа қарай ығысу барысында циклон өзімен бірге республиканың оңтүстік және оңтүстік-шығысына жылбысқы қар, көктайғақ және тұман, солтүстік, шығыс және орталыққа қар, бұрқасын, екпінді жел және ауа температурасының жоғарылауын алып келеді», - делінген синоптиктердің хабарламасында.
1583 рет оқылды
