01 қыр, 2022 сағат 16:35

Біз өз халқымызға сенуіміз керек - Эльвира Әзімова

Қазақстандағы адам құқықтары жөніндегі уәкіл Эльвира Әзімова бүгінгі Президент Жолдауына қатысты пікір білдірді, деп хабарлайды "Ұлт ақпарат".

«Бүгін Парламент сессиясының отырысы барысындағы Жолдауында Мемлекет Басшысы Қасым-Жомарт Тоқаев қаңтар оқиғаларына қатысқандарға қатысты ішінара рақымшылық жасау туралы шешім қабылдады. Бұл шешім құқық қорғау қоғамдастығы мен айыпталушылар, сотталғандар арасында ерекше атап өтілді», - деп жазды ол Facebook парақшасында.

Омбудсменнің айтуынша, қаңтардағы оқиғалар - біз үшін үлкен трагедия, сондықтан нағыз құқық бұзушылық жасағандардың әрекетін ешкім ақтамайды.

«Өкінішке қарай, біраз адам мұндай жағдайға алғаш рет тап болды. Олардың көбі жаппай тәртіпсіздікке көпшіліктің ықпалымен және өздерінің басындағы әлеуметтік проблемаларға байланысты қатысқаны анық. Олардың біразы кінәсін түсініп, өкініп отыр.

Рақымшылық жасау туралы шешім - Президенттің өзінің конституциялық құқығын іске асыруымен қатар, адамгершілік және отандастарына деген сенімі деп білемін. Біз өз халқымызға сенуіміз керек», - деді Әзімова.