«Барыстың» канадалық қорғаушысы Даррен Диц Қазақстан азаматтығын алды, енді ол Астанада өтетін Әлем чемпионатына қатыса алады, деп хабарлайды "Ұлт ақпарат" «SPORTINFORM» САА-ға сілтеме жасап.
«Диц Қазақстан азаматтығын алды. «Барыстың» бес хоккейшісін Астанадағы Әлем чемпионатында ойнату жоспарланып отыр. «Барыстың» тағы басқа легионерлеріне азаматтық беру жағы әлі талқыланған жоқ», - деді Қазақстан хоккей федерациясының жауапты хатшысы Глеб Қаратаев.
Еске сала кетейік, Даррен Диц 59 ойында 52 ұпай (15+37) жинап, ҚХЛ-ның үздік сұрмерген-қорғаушысы болып тұр. Бұған дейін швед Хенрик Карлссон, америкалық Брэндон Боченски, канадалықтар Дастин Бойд пен Кевин Даллмэн Қазақстан азаматы атанған болатын.
Бірінші дивизион командалары арасындағы Әлем чемпионаты Астанада 25 сәуірден 5 мамырға дейінгі аралықта өтеді. Қазақстан құрамасынан тыс, элитаға қатысу үшін Беларусь, Венгрия, Литва, Словения және Оңтүстік Корея командалары да бақ сынап көреді.
1344 рет оқылды
