Бағдат Мусин «Ашық Алаңда» көптеген сұраққа жауап берді. Басынан аяғына дейін мұқият тыңдап шықтым. Қазақшасы өте жетік екен, деп жазды Мәжіліс депутаты Ерлан Саиров бүгін Facebook-тегі парақшасында.
«Ал жалпы, «IT саласын демократияландырамыз. Бұрынғы тәрізді тендер жасамай, тікелей қажетті IT- өнімді жасайтын платформа жасаймыз» деді Мусин.
«Ал енді, біздің отандық IT технологтар сол платформаны жетілдіреді» деп атап өтті.
Мен IT-маман емеспін. Қолданушы ретінде, депутаттық мәртебемді пайдаланып, желідегі қауымдастықтың сұрақтарын Министр мырзаға жеткіздім. Министр тұшымды, нақты жауап береді деп ойлаймын. Оны да жариялаймын. Дегенмен, мына әңгіме көкейдегі көптеген сұраққа жауап берді. Қоғамда қандайда бір қосымша сұрақ болса, тағы қоя жатармыз.
Жалпы, IT-технологтар өздері дискуссия жасап, бір шешімге келуі тиіс.
Процесс ашық, түсінікті болуы керек. Министр диалогқа ашық екендігін мәлімдеді.
Мемлекеттік мүдде мәселесін жіті қадағалап отырамыз, бұл анық. Күмән болса, ашық жазамыз.
Бұл мәселені ары қарай бақылауда ұстаймыз», - деп атап өткен өз жазбасында Мәжіліс депутаты.
7312 рет оқылды
