«TƏBIB» медициналық өңірлік бөлімшелерді басқару жөніндегі бірлестігі Әзербайжанға жаңа «Covid-19» штамының ену мүмкіндігі бар екенін хабарлайды, деп жазады "Ұлт ақпарат". Осыған байланысты «TƏBIB» жаңа штамның таралуын болдырмау үшін вакцинация мәселесіне байыпты көзқарас қажет деп санайды.
Бірлестік қызметкерлері вакцинаның ағзадағы екінші дозасынан кейін осы вирусқа қарсы тұру 60%-90% аралығында артуы тиіс екенін, алайда вакцина алғандардың босаңсымауы қажет екенін айтады. Өйткені вакцинаны вирустан қорғау әсерінің ұзақтығы әлі де анық емес. Бұл ретте, «TƏBIB» бағалауы бойынша, вакцина адамды 1-2 жылға қорғауы керек.
Сонымен қатар вакцина алғаннан кейін «Covid-19» қайта жұқтыру мүмкіндігі туралы, сондай-ақ вакцина коронавирустан толық қорғай ма деген сұраққа «TƏBIB» мынаны мәлімдеді: «Вакцина екінші доза енгізілгеннен кейін 2 аптадан кейін өз әсерін көрсетеді. Содан кейін ғана қандағы антиденелердің бар-жоғын анықтауға болады, бірақ бұл факт адамның иммунитетіне байланысты. Вакциналарды зерттеу нәтижелері әртүрлі.
Түркиядағы «CoronaVac» вакцинасын зерттеу оның тиімділігі 92%-ға тең екенін көрсетті, Бразилиялық зерттеулер бойынша вакцина 100%-ға қорғайды».
Еске салайық, Әзербайжанда 18 қаңтарда халықты жаңа SARS-CoV-2 коронавирусына қарсы егу басталды. Медицина қызметкерлері «Әзербайжан Республикасында COVID-19-ға қарсы 2021-2022 жылдарға арналған вакцинация стратегиясына» сәйкес алғашқы вакцинаны алды. Әрі қарай халықтың қалған бөлігі егіледі.
18 жасқа толмаған, жүкті және аллергиясы бар адамдар әзірге егілмейді. Вакцина қытайлық «Sinovac» компаниясының «CoronaVac» вакцинасын қолдану арқылы жүзеге асырылады. Жалпы, өткен тәулікте ӘР-да коронавирус жұқтырудың 147 жаңа жағдайы анықталды, 236 адам емделді, 4 адам қайтыс болды. Ел бойынша коронавирус инфекциясын жұқтырудың 231 509 фактісі тіркелді, бүгінгі күні COVID-19 вирусына 2 470 980 тест өткізілді.
761 рет оқылды
