Алматылық азамат Батыл Дәуренұлы тек көлік жүргізуді ғана біледі. Бір жері бұзылса, сыр берсе, жөндеуді білмейді. Бірден автожөндеуге алып барады. Мұндай жағдайда ол Мерседес, BMB сияқты ерекше әуесқойларға арналған көліктерді тізгіндеп келеді екен. Сол үшін астындағы көлігін сатып, қазіргі таңда жаңа көлік алуға ниеттеніп жүр. Тек таңдау көп болғандықтан әлі бір шешімге келе алмай жүр. Автосалонға барғанда соңғы рет Chevrolet автомобиліне көзі түсіп қайтқан. Осы орайда «Ұлт» порталы аталған көлікке деген сұраныстың неліктен артып отырғанын қарастырып көрді.
«Естуімше, Chevrolet автомобилі Қостанайда құрастырылатынын енді білдім. Жалпы, естуімше, Қазақстанда барлық автомобиль техникасының үштен екісі Қостанайда жасалған екен. Бірнеше айдан бері көлік таңдай алмай, әр демалыста автосалондарды аралап жүрген едім. Қазір қандай көлік алатынымды түсіндім. Енді екінші деңгейлі банктер арқылы, төрт пайыздық автокредит мәселесін қарастырсам деп отырмын», - дейді Батыл Дәуренұлы.
Биылғы жылдың алғашқы үш айында Қазақстан аумағында жалпы құны 140,4 миллиард теңгеден асатын 19 848 бірлік техника шығарылған. Бұл туралы қазақстандық Автобизнес Қауымдастығы (ҚАБҚ) арнайы деректер ұсынып отыр.
«Жоғарыда көрсетілген көрсеткіштердің 66%-ы «СарыарқаАвтоПром» зауытына тиесілі. Үш айдың қорытындысы бойынша Қостанай автомобиль зауыты 13 063 бірлік техника шығарды, бұл өткен жылдың сәйкес кезеңімен салыстырғанда 34,7%-ға артық (9 694 бірл.). Аталған өсім осы өңірде шығарылатын Chevrolet автомобильдеріне деген белсенді сұраныстың арқасында болып отыр», - делінген қазақстандық Автобизнес Қауымдастығы (ҚАБҚ) таратқан хабарламада.
Статистикаға сәйкес, аталған автомобильдер бүгінгі таңда қазақстандық нарықтағы ең көп сұранысқа ие автомобильдер тізімін сенімді түрде бастап тұр. Бірінші тоқсанда барлығы осы брендтің 10 153 бірлігі өндірілген.
«Біз үнемі автомобиль өндірісінің деңгейін көтеруге ғана емес, сонымен бірге оқшаулау деңгейінің жоғарылаған заманауи өнімдерін шығаруға да ұмтыламыз. Осы бағыттардағы даму бүгінгі күні тек Қазақстан нарығы туралы ғана емес, экспорт туралы да айтуға мүмкіндік береді. Сонымен, жыл басынан бері 2000-ға жуық өнім біздің шетелге жіберілді», - деді «СарыарқаАвтоПром» ЖШС директоры Сырым Семейбаев.
Өткен жылы зауыт өнімділіктің рекордтық деңгейіне қол жеткізді - 40 050 бірлік (елдің барлық техникасының 51,7%). Ағымдағы жылы кәсіпорын қолданыстағы Jac, Chevrolet, UAZ және MAN брендтерінің жоғары сұранысына ғана емес, сонымен қатар жаңаларымен жұмысты іске қосуға сүйене отырып, осы көрсеткіштерден асып түсуді жоспарлап отыр.
Сырым Семейбаевтың айтуынша, биыл наурыздан бастап зауыт KIA автомобильдерін шығаруды бастады. Сол айда Қостанайда «СарыарқаАвтоПром» мен АвтоВАЗ арасында серіктестік туралы келісімге қол қойылды. Қазақстанның ірі автомобиль зауытының биылғы жылы жоспарланып отырған көлемі отандық өндірушілерге жылына 100 000 бірлік техника белгісіне шығуға мүмкіндік береді.
«AllurGroup құрамына кіретін «СарыарқаАвтоПром» ЖШС жылына 50 мың автокөлік шығарып, қазақстандық қамтамасыз етуді 50 пайызға азайтуды жоспарлап отыр.
«Біздің басты мақсатымыз – қазақстандықтарды сапалы, бәсекеге қабілетті автөкөліктердің қазақстандық өнімімен қамтамасыз ету. Алдағы уақытта Кедендік Одақ нарығына шығып, әлемдік брендтермен тереземіз тең сауда жасайтын боламыз. Сонымен қатар, Тойота «Қазақстанда жасалған» жобасын қолға алады», - деді AllurGroup автомобиль компаниялар тобының президенті Андрей Лаврентьев.
Айта кетейік, «СарыарқаАвтоПром» ЖШС «Индустриялизациялау көшбасшысы» номинациясы бойынша ҚР Президентінің «Алтын сапа» сыйлығын иеленген болатын. Сыйлық Астанадағы Индустрияландыру күні қарсаңында берілді.
Естеріңізге салайық, биылғы жылдың алғашқы үш айында Қазақстан аумағында жалпы құны 140,4 миллиард теңгеден асатын 19 848 бірлік техника шығарылған. Бұл туралы қазақстандық Автобизнес Қауымдастығы (ҚАБҚ) арнайы деректер ұсынып отыр. Жоғарыда көрсетілген көрсеткіштердің 66% -ы «СарыарқаАвтоПром» зауытына тиесілі. Үш айдың қорытындысы бойынша Қостанай автомобиль зауыты 13 063 бірлік техника шығарды, бұл өткен жылдың сәйкес кезеңімен салыстырғанда 34,7% -ға артық (9 694 бірл.).
1177 рет оқылды
