Қазақстандық Михаил Кукушкин Аустралия ашық чемпионатының екінші айналымына өте алмады, деп хабарлайды «Ұлт ақпарат».
Дүниежүзілік рейтингте 90-орында тұрған қазақстандық теннисші бірінші айналымда әлемнің 3-ракеткасы, өткен жылғы US Open турнирінің жеңімпазы, аустриялық Доминик Тиммен кездесті. Тартысты өрбіген бірінші партия тай-брейкке дейін жетіп, онда Д.Тим басымдылық көрсетті – 7:6 (7:2).
Аустриялық теннисші екінші сетте де есесін жібермеді – 6:2. Үшінші партияда матчты тағы бір брейкпен түйіндеді – 6:3. Бәсеке 2 сағат 40 минутқа созылды. Д.Тим екінші айналымда германиялық Доминик Кёпфер немесе боливиялық Уго Дельеннің біреуімен шеберлік байқасады.
Еске сала кетейік, бұдан бұрын Зарина Диястың Аустралия ашық чемпионатын жеңіспен бастағанын жазған болатынбыз.
565 рет оқылды
_80_80.jpg)
