Қазақстандық теннисшілердің Аустралия ашық чемпионатындағы қарсыластары анықталды, деп хабарлайды "Ұлт ақпарат".
Әйелдер арасында Қазақстанның бірінші, әлемнің 19-ракеткасы Елена Рыбакина ресейлік белгілі теннисші Вера Звонаревамен кездеседі.
Сондай-ақ Юлия Путинцева алғашқы айналымда америкалық, US Open турнирінің 2017 жылғы чемпионы Слоан Стивенспен, Зарина Дияс словениялық Тамара Зиданшекпен, Ярослава Шведова италиялық Камила Джорджимен шеберлік байқасады.
Ерлер арасында Қазақстанның бірінші, әлемнің 45-ракеткасы Александр Бублик словениялық Аляж Беденемен кортқа шығады. Ал Михаил Кукушкин US Open турнирінің 2020 жылғы жеңімпазы, әлемнің 3-ракеткасы, аустриялық Доминик Тиммен күш сынасады.
Аустралия ашық чемпионаты 8 ақпанда басталып, 21-інде мәреге жетеді.
857 рет оқылды
