Қазгидромет ауа райының қолайсыздығына байланысты Қазақстанның 8 облысында ескерту жариялады, деп хабарлайды "Ұлт ақпарат".
26-28 ақпанда Жамбыл облысында кей жерлерде тұман, 26 ақпанда түнде бұрқасын күтіледі. 26 ақпанда түнде кей жерлерде солтүстік-батыстан соғатын желдің күші 15-20 м/с, екпіні 23 м/с-ға жетеді.
Тараз қаласында 26-28 ақпанда кей жерлерде тұман түседі.
26 ақпанда Қарағанды облысының кей жерлерінде тұман күтіледі. Жел оңтүстік-батыстан соғады, түнде кей жерлерінде күші 15-20 м/с-ға жетеді.
26 ақпанда түнде кей жерлерінде 35-38 градус қатты аяз қүтіледі.
Қарағанды қаласында 26 ақпанда жел оңтүстік-батыстан соғады, түнде екпіні 15 м/с-ға жетеді.
Жезқазған қаласында 26 ақпанда түнде 35 градус қатты аяз күтіледі.
26-27 ақпанда түнде Солтүстік Қазақстан облысының кей жерлерінде 40 градус аяз күтіледі.
26 ақпанда түнде Ақмола облысында кей жерлерінде жаяу бұрқасын, батыстан, оңтүстік-батыстан жел соғады, күші 15-20 м/с-ға жетеді. Кей жерлерде тұман күтіледі.
26 ақпанда Түркістан облысының кей жерлерінде тұман, жаяу бұрқасын күтіледі.
Солтүстік-шығыстан жел соғады, түнде кей жерлерде күші 15-20 м/с-ға жетеді. Түнде облыстың солтүстігінде 25 градус аяз күтіледі.
26 ақпан Батыс Қазақстан облысында кей жерлерінде жаяу бұрқасын күтіледі. Оңтүстіктен, оңтүстік-шығыстан жел соғады, күші кей жерлерде 15-20 м/с-ға жетеді.
Орал қаласында 26 ақпанда жаяу бұрқасын күтіледі.
26 ақпанда Ақтөбе облысының кей жерлерінде жаяу бұрқасын күтіледі. Оңтүстіктен, оңтүстік-шығыстан жел соғады, күші 9-14 м/с-ға жетеді.
26 ақпан Атырау облысының кей жерлерінде жаяу бұрқасын, тұман, көктайғақ күтіледі.
878 рет оқылды
