Астанада аязға байланысты түстен кейін мектеп оқушылары мен колледждердің 1,2 курс студенттері оқымайды, деп хабарлайды Ұлт.кз тілшісі ҚазАқпарат агенттігіне сілтеме жасап.
«22 қаңтарда ауа райының қолайсыздығына байланысты қала мектептерінің екінші ауысымындағы 0-11 (12) сынып оқушыларына және колледждердің 1-2 курс студенттері үшін сабақ болмайды», делінген Білім басқармасының сайтында.
Айта кетейік, дүйсенбі күні сондай-ақ сарышұнақ аяздарға байланысты Ақмола, Қарағанды, Шығыс Қазақстан, Павлодар, Қостанай және Солтүстік Қазақстан облыстарында бірінші ауысымдағы 1-11 сынып оқушыларына сабақтар тоқтатылды.
Еске сала кетсек, Қазақстан аумағында ауа райының күрт суытынуына байланысты ескерту жарияланды. Қазгидрометтің болжауынша, Актикалық антициклондардың өтуіне байланысты 22-26 қаңтар аралығында Ақмола, Қостанай, Солтүстік Қазақстан, Павлодар, Қарағанды, Шығыс Қазақстан облыстарында температура -30 градустан төмендейді.
2460 рет оқылды
