Астана медицина университетіне жаңа ректор тағайындалды, деп хабарлайды "Ұлт ақпарат" оқу орнының баспасөз қызметіне сілтеме жасап.
Айта кетерлігі, бүгін Астана медицина университеті ректоры қызметіне үміткерді таңдау бойынша жұмыс комиссиясысының отырысы бірінші рет Facebook парақшасында тікелей эфирден көрсетілді. Ректорлыққа үміткерлер оқу ордасының алдағы 5 жылға арналған бағдарламасын ұсынды. Әр презентациядан соң үміткерлерге конкурс комиссиясының мүшелері ғана емес, трансляция көрермендері де сұрақ қойды.
Конкурс қорытындысы бойынша бес үміткердің арасынан «Астана медицина университеті» коммерциялық емес акционерлік қоғамының ректоры - Басқарма төрағасы болып литвалық ғалым, профессор Дайнюс Павалькис тағайындалды. Айта кету керек, ол 2012-2015 жылдары Литва Республикасының Білім және ғылым министрі қызметін атқарған.
Дайнюс Павалькис 1960 жылы 5 мамырда Литваның Каунас қаласында дүниеге келген. 1978 жылы Каунас медицина институтының жалпы медицина факультетін бітірген.
1990 жылы Мәскеудің проктология ғылыми-зерттеу институтын (Ресей) және Литваның Каунас медициналық институтын бітірді. Медицина ғылымдарының докторы.
1993 жылдың қаңтарынан қыркүйек айына дейін Лондондағы Сент-Марк ауруханасында хирург көмекшісі болып жұмыс істеді.
1995 жылы Литваның Каунас медициналық академиясында доцент дәрежесін алды.
1995 жылы Литвадағы Каунас медициналық академиясының ассистенті болды.
1995 жылдың қыркүйегінен қазан айына дейін Нью-Йорктегі Memorial Sloan-Ketting Cancer Center-да және Массачусетстің Берлингтон қаласындағы Lahey Клиникасында ғылыми тағылымдамадан өтті.
1997 жылдың мамыр-маусым айларында Афинаның Agia Sophia университетінің ауруханасында, және Erytheon университетнің ауруханасында, Португалияның Coimbros университетінің ауруханасында интернатура өтті.
2009 жылы Каунас медицина университетінің профессоры, Литва.
1986-1993 жылдары Литваның Каунас медицина институтында хирург көмекшісі болып жұмыс істеді.
1993-1995 жылдары Литваның Каунас медицина академиясының бас дәрігері болып жұмыс істеді.
1995 жылдан 1997 жылға дейін Каунас медициналық университетінің ауруханасында және Литва Каунас аудандық ауруханасында бас хирург болып жұмыс істеді.
1997 жылдан 2007 жылға дейін Литваның Каунас университеті ауруханасында хирургия кафедрасының меңгерушісі болды.
1997 жылдан 2010 жылға дейін Литваның Каунас Университеттік ауруханасында хирургия департаментінің коло-проктология бөлімінің бастығы болды.
2006 жылдан бастап 2012 жылға дейін Литваның Каунас университетінің ауруханасында хирургия кафедрасында профессор болып жұмыс істеді.
2010-2011 жылдар аралығында Литваның Балтық-Америкалық ауруханасының жалпы медицина кафедрасының директоры болды.
2010 жылдан бастап 2012 жылға дейін Литва денсаулық ғылымы университетінде профессор болып жұмыс істеді.
2012 жылдан бастап 2015 жылға дейін Литва Республикасының Білім және ғылым министрі қызметін атқарды.
2015 жылдан қазіргі уақытқа дейін Литваның Каунас клиникасының инновация және даму бөлімінің меңгерушісі. Литва денсаулық ғылымы университетінің хирургия факультетінің профессоры.
Еуропа Комиссиясының Консультативтік тобының мүшесі RISE HL, зерттеу, инновация және ғылыми саясат жөніндегі сарапшылар тобы. SPH мүшесі, Еуропалық Комиссияның денсаулық сақтау бойынша ғылыми тобы. Каунас қаласы мэрінің кеңесшісі.
1459 рет оқылды
