12 сәуірден бері Ashyq қосымшасы арқылы 1749 - қызыл түсті, 1268 сары түсті мәртебесі бар адам анықталған, деп хабарлайды "Ұлт ақпарат".
Орталық коммуникациялар қызметінде өткен брифингіде «Атамекен» ұлттық кәсіпкерлер палатасы басқарма төрағасының орынбасары Юлия Якупбаева Ashyq қосымшасының 13 сәуірге дейінгі жұмыс нәтижелерін жариялады.
«Ashyq қосымшасын 1,1 миллионнан астам пайдаланушы жүктеген. 12 сәуірден бастап 1 749 - қызыл түсті, 1 268 сары түтсті статусы бар келуші анықталды. Барлық өңірде жобаға 5 035 қатысушы нысан тіркелді. Қосымшада 1 200 өтініш қаралып жатыр», - деді «Атамекен» өкілі.
Оның айтуынша, қосымша іске қосылғаннан бері 20 мыңнан астам пайдаланушы өздерінің мәртебесін ashyq.kz веб-сайты арқылы үйден тексеріп, 465 адам қызыл түсті мәртебесін анықтаған.
562 рет оқылды
