#
#
Сейсенбі 13/04/2021

Алматылық дәрігер COVID-19-дың балаларға әсерін айтты

  • 04.03.2021
  • 0
  • 175

Короновирус ересектерге қарағанда балаларда жеңіл өтеді. Бұл туралы дәрігер-терапевт Майя Шегебаева айтты, деп хабарлайды ҚазАқпарат.

«Сырқаттанғанда балаларда шаршау, әлсіздік, бас ауруы, тұмау іспеттес, дене қызуының көтерілуі, асқа тәбеті болмауы, дененің іш бөлігінің ауруы байқалады. Сонда да, балалар ересектерге қарағанда жұқпалы вирустан жеңіл өтеді»,-деді маман. 

Майя Шегебаеваның айтуынша, балалардың өкпесі короновирустан зақымданған фактілер болған емес. « COVID-19 балалардың жоғары тыныс алу жолдарын (мұрын, ауыз қуысы, тамақ) зақымдайды. Сол себепті суық тиген тәрізді ауырады (дене қызуының көтерілуі, мұрын бітелуі, тамақтың ауруы немесе ашуы). Пневмониямен ауырған балалар болған жоқ. Яғни, үлкендерге төнген қауіп балаларға төнбейді», - деді Майя Шегебаева. 

Алайда, сырқаттан кейінгі синдром балаларда да болады. Сол себепті учаскелік дәрігерге қаралған жөн. Өйткені, кейде коронавирустан кейінгі синдром балаларды ұйқысыздыққа, буындардың ауыруына, асқазан дертіне әкеп соғуы мүмкін. Сондай-ақ, жүрек тұсы ауырады. Дәрігер- терапевтің айтуынша, егер бала денсаулығында короновирустан кейін осындай әсерлер пайда болған жағдайда ауруханаға жіберіледі. Сонымен қатар, қалалық және республикалық балалар шипажайы бар. Балалар сол жерде бейімдеуден өтеді.

«Бейімделу үшін қимыл- қозғалыс тәртібін сақтау керек, дұрыс тамақтанып, массаж алу қажет. Бала тыныс алу жаттығуларын жасауы, емдік дене шынықтыру, жеке психотерапия, физиотерапия, медиксиентозалық терапия, фитотеоапия алуы тиіс. Бейімдеу курсы 14 күнге созылады. Сондай-ақ, ЖРЖВ-дан кейін де балаларды осындай бейімдеу орталығына жібереміз. Бронхиалды астма, неврологиялық, гастроэнторологиялық және кардиологиялық патологиясы бар балалар да бейімдеу орталығында ем алады»,-деді Майя Шегебаева. 

Терапевтің айтуынша, ең бастысы балаларды аурудың алдын алуға тәрбиелеу керек.

«Балабақша, мектепке барғанда, үйге келгенде үнемі қолды жууға үйрету, дезинфекциялық сұйықтық пен сулы майлықтарды қолдануға дағдыландыру. Қандай ортада болсын тазалық сақтауға үйретуіміз қажет»,-деді маман. Қазіргі уақытта балаларға құрамы бай дәрумендер беру керек. Әсіресе, А, В дәрумендері пайдалы.

0 пікір

Пікір қалдыру

Чтобы оставлять комментарий нужно зарегистрироваться или авторизироваться

Маңызды мақалалар

БАННЕР

Аймақтар жаңалықтары

Басқа да мақалалар