Алматыда жер сілкінді, деп хабарлайды "Ұлт ақпарат".
ҚР БҒМ ҒК Сеймологиялық тәжірибе-әдістемелік экспедициясы» мемлекеттік мекемесі сағат 15:20 жерасты дүмпулерін тіркеді.
Жер сілкінісінің ошағы Алматы қаласынан батысқа қарай 5 шақырым жерде болған. Жерасты дүмпулерінің магнитудасы - MPV 3.7, 10 шақырым тереңдіктен білінген. Жер сілкінісінің энергетикалық класы - 8,5.
Алматы тұрғындарына жер сілкінісі 2-3 балл шамасында сезілді.
Алматы қалалық ІІД Жедел басқару орталығы мамандары қалада ешбір ғимаратқа зақым келмегенін, сондай-ақ «Қазселденқорғау» мемлекеттік мекемесі таудағы гидротехникалық құрылғылардың жарылмағанын хабарлады. Төтенше жағдайдан ешкім зардап шеккен жоқ.
Бастапқыда "Сейсмология институты" ЖШС директоры Анвар Боранбаев жер сілкінісінің Алматыдан 40 шақырым жерде болғанын хабарлаған еді.
2237 рет оқылды
