Алматы қаласы санитарлық-эпидемиологиялық бақылау департаменті әлеуметтік желіде тарап жатқан жаңа қаулының қауесет екендігін айтты, деп хабарлайды "Ұлт ақпарат".
Instagram (almata_city) әлеуметтік желісінде Жандарбек Бекшин Алматыда карантин шектеулерін өзгертті. Көптеген нысандарға «демалыс күндері жұмыс істеуге тыйым салынады» деген жаңа қаулы пайда болды.
Алматы қаласының санитарлық-эпидемиологиялық бақылау департаменті бұл ақпарат жалған екенін хабарлайды.
«Алматы қаласының бас мемлекеттік санитарлық дәрігерінің соңғы қаулысы 2 сәуір 2021 жылы № 15 «Алматы қаласында коронавирус инфекцияның таралуын шектеу жөніндегі шараларды күшейту туралы» шыққан болатын», - деп хабарлады департаменттің баспасөз қызметі.
Ведомстводағылар жалған ақпарат таратқаны үшін қолданыстағы заңнамада қылмыстық жауапкершілік көзделетінін еске салды.
553 рет оқылды
