27 қар, 2021 сағат 13:23

Әлішер Кәрімов пен Ернар Сәдірбаев "Ресей дауысының" келесі кезеңіне шықты

Қазақстандық әншілер Әлішер Кәрімов пен Ернар Сәдірбаев (Amre) "Ресей дауысы" шоуының оныншы маусымындағы жекпе-жек кезеңінде сәтті өнер көрсетті, - деп хабарлайды "Ұлт ақпарат" Tengrinews.kz агенттігіне сілтеме жасап.

Әлішер Кәрімов Александр Градскийдің командасында Полина Клинниковамен дуэтте The Prayer композициясын орындады.

"Әлішердің орындауын сөзбен айтып жеткізу мүмкін емес. Бір уақытта тембрлерді, дауыс күшін қалай көрсетуге болатынына таңмын, шынын айтқанда, бұл қиын. Мен не істерімді білмес едім, бірақ Әлішер, сөзсіз, керемет музыкант", - деді Дима Билан.

Команда тәлімгері Александр Градкий келесі кезеңге Әлішерді өткізді.

Дима Биланның командасынан Ернар Сәдірбаев сахнаға Рустим Бахтияровпен дуэт болып шықты. Олар "Мне с детства снилась высота" әнін шырқады.

"Мен бұл әнді 41 жыл бұрын, 1980 жылғы Олимпиадаға арналған фильм үшін айтқанмын. Жігіттер, сендер, бүгінгінің адамдары, құқықтарың бар. Шынымды айтсам, маған ұнады", - деді Александр Градский.

"Менің ойымша, Ернармен бұдан да қызық музыканы таңдауға болады", - деп тәлімгер Дима Билан қорытындылады да, келесі кезеңге қазақстандықты таңдады.