Елбасы Нұрсұлтан Әбішұлы Covid-19 вирусын жұқтырып, науқастанып қалғанын естіп қатты алаңдап отырмыз. Тек елімізді емес, әлемді алаңдатып отырған індеттің беті қайтарына сенімдіміз.
Бүгінде Қазақстан Н.Назарбаевтың арқасында бірлік пен қоғамдық келісімнің алтын бесігіне айналды. Еліміздегі татулық пен ынтымақтың бірегей үлгісін жаһан жұртшылығы зерделеп, «Қазақстандық жол» және «Назарбаев моделі» деп баға береді.
Елбасының салған сара жолына әлемдік саясаткерлер мен ғалымдар тарапынан қызығушылық жоғары. Тұңғыш Президенттің бастамалары мен идеялары терең зерттеулерге арқау болып, оған халықаралық деңгейдегі жетекші бұқаралық ақпарат құралдарының назары күшейіп отыр.
Елбасы жер-жаһанға мемлекеттің бейбіт және ядролық қарусыз саясатын паш етіп, Қазақстанды жоғары халықаралық деңгейге шығарды. Ұлы дала елі үшін Тұңғыш Президентіміз Н.Назарбаевтың орны қашанда ерек. Қазақ елі Нұрсұлтан Әбішұлының сауығып кетуіне тілектес.
Бауыржан ДЖАМАЛОВ,
«AZALA Textile» фабрикасының директоры
964 рет оқылды
